Escolares

Premio no I Concurso de marcapáxinas "Día Internacional da Muller"

  Iria Núñez Filgueira de 5ºB resultou gañadora no Iº Concurso de marcapáxinas "Día Internacional da Muller".

   Os marcapáxinas premiados serán editados e enviados aos centros e Bibliotecas do Concello.

  No auditorio da Casa da Cultura do Milladoiro celebrouse  o acto de conmemoración do Día e entregáronse os premios do concurso posto en marcha polo Centro de Información á Muller.

 

   Premer AQUÍ para ver máis información do acto na páxina do Concello.

 

    Este certame estivo dirixido aos nenos e nenas de Educación Infantil e Primaria dos colexios públicos de Ames. As bases do concurso estableceron tres categorías diferentes.

   A primeira estivo dirixida ao alumnado de Educación Infantil; a segunda ao de 1º, 2º e 3º de Educación Primaria e a terceira aos rapaces e rapazas de 4º, 5º e 6º de Educación Primaria.

 

  educació 

   Deste xeito os gañadores e gañadoras foron na 1ª categoría, Carolina Guerra García, alumna de infantil do CEIP Agro do Muíño; na 2ª categoría, Diego Cacheiro Blanco, alumno de 2º de primaria do CEIP Agro do Muíño; e na 3ª categoría, Iria Núñez Filgueira, alumna de 5º de primaria do CEIP A Maía.

                      Parabéns Iria!

2º B na Aula da Natureza

  As alumnas e alumnos de 2º B visitaron hoxe a Aula da Natureza de Ames na antiga escola unitaria da Ameixenda. (As outras aulas terán a visita os días 14 e o 16). Entre outras actividades para favorecer a sensibilización cara o coidado e o respeto do medio, viron as partes das plantas e das flores e tamén as coleccións de insectos. Pasárono moi ben!

Iago: contacontos para 2º e 1º. "Feliz feroz"


   Os alumnos e alumnas de 2º e 1º recibiron a visita de Iago, un contacontos que lles falou do libro "Feliz feroz, o lobiño riquiño" de "el hematocrítico" coas ilustracións de Alberto Vázquez.

    Reuníronse no escenario da Biblioteca e pasárono moi ben con Iago. 

    Se aínda non o lestes... comezade AQUÍ

    Sinopse do libro: "A irmá de Lobo Feroz está moi preocupada porque o seu fillo non é feroz: é boísimo. Feroz dille que o mande uns días para a súa casa, que xa se encarga el de convertelo nun lobo de verdade. Lobiño visita o seu tío e tenta facer o que lle pide: cazar coellos, asustar a Carapuchiña, comer os tres porquiños… Pero nunca o fai ben: comparte unha ensalada cos coellos, faise amigo de Carapuchiña e ponse a xogar cos tres porquiños. Este lobiño é un desastre".

 

O Antroido en 3º

CARTELÓN DO ANTROIDO DOS RAPACES DE 3ºOs alumnos e as alumnas da clase de Carmela fixeron as súas máscaras do Antroido relacionadas co Sistema Solar.

E os das clases de Mariluz e María José fixeron estas outras co mesmo tema:

E así se disfrazaron os da clase de 3ºC

 

Máscaras de 2º

    Os alumnos e alumnas de 2º da clase de Manoli fixeron estes antifaces con recortes de revistas.

  E os alumnos da clase de Natalia decoraron a clase e a porta con estas outras nas que tamén empregaron plumas, lazos, purpurina e papeis metalizados...

5º e 6º coa Tropa Trapalleira

  Os alumnos de 5º e de 6º fomos a Santiago ao teatro a ver a a tropa Trapalleira da compañía Bocaberta. A Tropa Trapalleira (Rosiña, Laranxiño e Mariña) presentounos "Pequena trapallada e algunha que outra batalla", un espectáculo cheo de color no que a través dos gags físicos  e do humor nos fan reflexionar sobre o absurdo da guerra e a necesidade de empregar a tolerancia.      Ademáis aproveitamos a viaxe para facer un pouquiño de turismo pola zona vella, percorrendo as súas rúas e visitando a Praza de Abastos (vendo os peixes, os postos de carne, de queixos e de froitas).

    

 

  Despois tomamos un descanso na praza de mazarelos e por último entramos na Catedral pola porta santa e fixemos un percorrido por ela, con abrazo ao Apóstolo e visita á súa tumba. Tamén observámolo órgano e as diversas capelas que rodean a Catedral. Foi unha viaxe estupenda!

     
 

 

 

Papá e mamá axúdannos a felicitar o Nadal!

   Os alumnos e alumnas de 2º realizaron estas bolas de nadal na casa con papá e mamá a partir dunha plantilla común. Empregaron materiais moi diversos (tanto naturais como artificiais) e deron boa mostra da súa creatividade. Despois decoraron con elas o corredor do piso de abaixo do colexio.

Algúns dos autores diante das súas creacións.

Nas clases tamén fixeron estas postais para felicitar o nadal as súas familias.

Os de 2º lembraron a Xosé Neira Vilas con marcapáxinas

   Os alumnos e as alumnas das tres clases de 2º achegáronse á figura Neira Vilas, autor de "Memorias dun neno labrego" e fixeron uns marcapáxinas para homenaxear ao creador de Balbino. Puxéronos nas portas da súa clase e despois leváronos para casa.

Algúns dos traballos realizados:

A clase de 2º A con ManoliA clase de 2º B con Sandra A clase de 2º C con NataliaOs alumnos e alumnas de 2º A e B

Homenaxe dos alumnos e alumnas de 6º B a Xosé Neira Vilas

  Segundo escribín na entrada anterior, Xosé Neira Vilas estivo falando  cos rapaces de 6º B a mesma mañá do xoves. Por unha serie de coincidencias chamou por teléfono cando eles estaban a piques de ler un dos seus poemas e falou cos nenos a través da súa profe. Fíxolles prometer que sempre lerían poesía... Agora as rapazas e rapaces enviaronlle a Marina a súa homenaxe personal a este gran escritor e aquí vola poño tal e como eles a escribiron:

"HOMENAXE do alumnado de Sexto B a Xosé NEIRA VILAS

Ai, amor!


Que lonxe!  Que lonxe estás!

Canta terra entre nós dous.

Pero dende que te fuches.

Ai, amor!  Ai, amor!

(Xosé Neira Vilas)

     O grupo de alumnos e alumnas de 6º B do Ceip A Maía tivemos a sorte de poder lerlle o poema “Ai, amor!” a Xosé Neira Vilas; escoitarlle e recibir, da súa parte, agarimosas palabras, animándonos a seguir lendo poesía.
    Isto que contamos, tería pasado en centos de veces con nenos e nenas de toda Galicia. Pero, no noso caso, foi algo especial: ocorreu o xoves día 26 de Novembro pola mañá, e esa mesma noite, faleceu na súa casa.
Estas son as nosas palabras de homenaxe e recordo ao escritor. E queremos que vaian acompañadas dunha promesa: non esqueceremos ler poesía nin as súas obras en prosa!
Balbino e Ruliño están tristes. Botan de menos ao seu pai.
Os nenos queremos que Xosé volva ás nosas vidas. De calquera xeito, sempre estará no noso corazón.
As alumnas e os alumnos de 6º B."

avaliacion de contidos

PDF PARA AMPLIACIÓN DO TEMA 4.

 

Distribuir contido