Skip to Content

Abalar

Consellería de Educación

Nova xornada de Escola de nais e pais

 

 

 

Estimadas nais, pais, familias

Convidámosvos a unha nova xornada da escola de nais e pais, igualmente que a anterior,  adicada á resolución de conflitos.

Será o luns 10 de xuño en horario 16:30 a 18:30,na biblioteca do centro. 

A relatora será a mesma da sesión anterior, Mercedes Urbiola Ituarte.

 

Animádevos a asistir!
_______________________________

Novo servizo de mensaxería a través de Abalar Móbil

Estimadas nais, pais, familias,

A Consellería de Educación acaba de poñer   dispoñible unha nova funcionalidade na aplicación abalarMóbil: a mensaxería.

A mensaxería de abalarMóbil é unha nova funcionalidade que ten como obxectivo facilitar a comunicación entre o centro e os responsables. Esta nova sección está dispoñible a partir da versión 1.3.0 da aplicación móbil tanto para dispositivos Android como iOS. 

 

Podedes descargar o manual neste enlace.

 

CIRCULAR INFORMATIVA

CIRCULAR 4/2018_19

 

Estimadas nais, pais,  familias,

Á volta destes días non lectivos de maio ( 30 e 31), xa entramos no último mes de curso. Quero transmitirvos varios avisos importantes sobre os seguintes aspectos:

1.- Axudas para libros e material e participación en fondo libros, lembrade que o prazo  rematará o día 21 de xuño de 2019 (este incluído).

2.- Devolución dos libros do fondo solidario:

Prazo:

3º de educación primaria: mércores 19 de xuño.

4º de educación primaria: xoves 20 de xuño.

Lugar e horario de devolución:

Secretaría do centro. De 9:05 a 14:05

Condicións para a devolución:

·         Deben devolvelos os pais, nais, titores legais do alumnado.
·         Os libros teñen que estar en bo estado.
·         Forrados.
·         Sen marcas de lapis, bolígrafo, rotulador, etc.

·         É  obrigatorio retirarlle as etiquetas co nome do alumno ou alumna.

 Non se recollerá ningún libro que non cumpra estas condicións

Si o pai, nai ou representante legal do alumnado  o solicita, poderáselle xerar un documento de “recollida” dos libros de texto efectivamente devoltos.

3.- Solicitude de transporte escolar para o curso 2019-20.

Dende o 10 ao 20 de xuño poderase presentar a solicitude na secretaría do centro. Poderase descargar o modelo de solicitude na web do centro ou recollela directamente en secretaría, en ambas opcións estará dispoñible dende o día 9 de xuño.

Lembrade que o servizo de transporte hai que renovalo todos os cursos.

4.- Campaña anual de recollida de roupa para a fundación Glorr

Igual que en cursos anteriores, faremos a campaña de recollida de roupa en xuño. Si desexades colaborar podedes traer as bolsas con roupa entre o día 3 e o día 5 de xuño e depositalas en conserxería. Tamén avisar de que hai moitísima roupa extraviada (chaquetóns, plumíferos, xerseis, sudadeiras, etc.) e, si ninguén vén a recuperala, doarase á fundación.

5.- Entrega de boletíns e remate das clases

O curso rematará o 21 de xuño de 2019 e os boletíns informativos coas cualificacións do alumnado entregaranse ese mesmo día.

6.- Recollida do historial académico do alumnado de 6º de educación primaria.

Desde o luns 1 de xullo e durante todo o mes, poderedes recoller  o historial académico do voso fillo ou filla. Debedes pasar por secretaría, e asinar a recollida. Horario de atención: de luns a venres, de 10:30h. A 13:00h.

Dende o centro enviamos unha copia do historial ao centro de educación secundaria en que prosiga os seus estudos o alumno ou a alumna, por pedimento do centro de educación secundaria.

 

Bertamiráns, 29 de maio de 2019

 

 

A DIRECTORA

 

Mª Isabel Abelleira Bardanca

REUNIÓN INICIAL PARA FAMILIAS DE ALUMNADO DE 4º de E. INFANTIL PARA O CURSO 2019_20

O vindeiro luns 3 de xuño, ás 16:30h. haberá unha reunión inicial para nais/pais do alumnado de novo ingreso en 4º de educación infantil para o próximo curso.

Será na aula de psicomotricidade do edificio de educación infantil.

 

Bertamiráns, 28 de maio de 2019

 

A DIRECTORA

 

Mª Isabel Abelleira Bardanca

Camiñando entre versos de Antón Fraguas polo paseo fluvial de Bertamiráns.

     

O alumnado de infantil e primaria de Ames, participaron nunha iniciativa para o Día das Letras Galegas, que partiu do equipo de normalización lingüística do Concello, a idea foi  transformar o paseo fluvial de Bertamiráns nun CAMIÑO DE VERSOS, cunha escolma de versos do “Cancioneiro de Cotobade” de Antón Fraguas.

  Escribimos sobre lousas os versos de Fraguas, decorámolas e pendurámolas das árbores e polo chan para que os veciños as desfruten nos seus paseos polo parque, unha das nosas premisas pedagóxicas  é a aprendizaxe- servizo, é dicir, unha proposta educativa que combina procesos de aprendizaxe e de servizo á comunidade nun só proxecto ben articulado onde os participantes aprenden ao traballar en necesidades reais da contorna coa finalidade de melloralo. Entendemos o  aprendizaxe-servizo como unha metodoloxía para unir o compromiso social coa aprendizaxe de coñecementos, habilidades, actitudes e valores: Aprender a ser competentes sendo útiles aos demais.

 


 


Neste enlace coa CRTVG está recollido o momento no que os nosos representantes colocaron as lousas e tamén o que dixeron sobre Antón Fraguas.


 

Avaliación individualizada de 3º de primaria

Estimadas nais, pais, familias

Os días 28 e 29 maio, se celebrarán as probas de avaliación individualizada de terceiro curso de Educación Primaria, que teñen a consideración de censuais e, polo tanto, aplicaranse a todo o alumnado escolarizado en terceiro de primaria.

Estas probas teñen carácter diagnóstico, informativo e orientador para o alumnado, familias, centros e administración educativa.

Ademais, tanto o alumnado como as familias cubrirán un cuestionario de contexto, este poderase cumprimentar en liña ou en papel até o 5 de xuño. O propio centro proporcionará ás familias o cuestionario en papel si así o solicitan, senón poderán entrar na  web da aplicación e cubrilo en liña coa súa clave de acceso.

Para calquera dúbida que lles poida xurdir poden poñerse en contacto co centro no teléfono 881866002 ou no correo ceip.a.maia@edu.xunta.es

 

 

 

Bertamiráns, 13 de maio de 2019

A DIRECTORA

Mª Isabel Abelleira Bardanca

"Jack and the Giant". Teatro en inglés para 1º e 2º

  Os alumnos e alumnas de 1º e 2º asistiron o venres na Aula de Cultura de Bertamiráns á representación da obra "Jack and the giant!"  representada pola compañía de teatro en inglés FACE 2 FACE.

  O argumento deste conto popular inglés é o seguinte: Jack, un rapaz de familia humilde intercambia a vaca da súa familia por unhas fabas máxicas. As fabas medran pola noite e convértense nunha xigantesca árbore. Jack escala a árbore ata chegar a un palacio nas nubes onde vive un xigante...

NON LECTIVOS EN MAIO

 

30 de maio: festivo local

31 de maio: día non lectivo solicitado polo centro

Os alumnos de 2º despiden o curso en Marcelle

  Os alumnos e alumnas de 2º de primaria con Antonio, Jesús, Luis, Pura e Katy, pasaron un fantástico día de excursión de fin de curso visitando o Centro de Natureza de Marcelle. A visita, guiada polos monitores do parque pretende, ademáis de pasar un día divertido, sensibilizalos e motivalos a coidar e conservar a biodiversidade.


   No PDF adxunto está o mapa do recorrido polo parque e premendo nesta imaxe (da súa páxina) tedes as fichas dos animais que viron.

Unha homenaxe en pedra a Antonio Fraguas

 O alumnado do Ceip A Maía participou xunto cos outros colexios do Concello de Ames nesta actividade proposta polos Equipos de Normalización Lingüística: unha homenaxe en pedra a Antonio Fraguas  no Día das Letras Galegas.

Plasmamos sobre lousas os versos do Cancioneiro de Cotobade e pendurámolas das árbores e  nos bancais do paseo fluvial para que a veciñanza de Bertamiráns tamén as desfruten, ao tempo que recitan os seus versos: "Eu son o vento que me presento, vou e veño coma un cataventos. Son o vento que nunca está quedo". "Teño unha herba na horta, pasa por riba do muro, se o teu camiño é val, o meu tamén é seguro", que posteriormente iremos a colocar nun dos parques do paseo fluvial de Bertamiráns.

 

Premer na imaxe para poder ver as laxas feitas polo alumnado de educación infantil e primaria.

Distribuir contido


Usuarios conectados

Agora mesmo hai 0 usuarios e 0 invitados conectados.

by Dr. Radut