Skip to Content

Abalar

Consellería de Educación

Christmas Carols polos nenos de infantil de 4 anos

Hello children:
“Christmas is here..."
FANTASTIC!
  A semana foi moi intensa no cole. Fixemos moitas actividades relacionadas co Nadal... e  ademais...
celebramos o festival de Nadal na biblioteca do centro...WHOAA!!


O alumnado de 5º de Infantil participou con tres actuacións moi animadas. Cantaron e bailaron tres "Christmas carols" moi marchosos que aprenderon na clase de inglés coa "teacher". HOOREY!

A profe Rosana axudou ao seu alumnado a practicar "We wish you a Merry Christmas".


  
O profe Ramón tamén botou unha man nos ensaios, e os nenosda súa clase cantaron a famosa panxoliña "Jingle bells".

O grupo da profe Bea animou ao público grazas ao seu divertido baile coa canción "Rocking around the Christmas tree". 

'Thank you very much' a todo o profesorado que axudou na preparación das panxoliñas!   O certo e que o fixéchedes xenia! VERY GOOD!

De feito, ás nosas mascotas de "English" encantoulles o show.  "Cookie, the Cat"e "Lulu, the Kanguroo" deséxanvos unhas felices vacacións de Nadal: MERRY CHRISTMAS!

 Ademais, "Denzel, the duck", "Patch, the dog", "Spot, the puppy" e "Monkey" tamén vos queren dicir algo: HAPPY NEW YEAR!!!

 De seguro, Father Christmas vos agasallará con algún "present", xa que aprendíchedes moitas cousiñas na clase de "English" e vos portáchedes moi ben.  HO, HO, HO!!!!

A Volta das vacacións, xa nos contaredes que había para vos 'under the tree'...

Agora que xa sabedes o que vos trouxo "Santa", teredes que agardar uns días para ver que surprises  vos taren os "Three wise men".

Nada mais polo de agora. A gozar da compaña das nosas "families", ese é o mellor agasallo!... e xantar moito turrón, "of course"!

Happy Christmas everyone!

 

Actuacións de Nadal dos alumnos de 2º

Os alumnos e as alumnas de 2º cantan e bailan polo Nadal nesta actuación na Biblioteca para os seus compañeiros.

Os de 1º cantan e bailan polo Nadal

Actuacións dos alumnos de primeiro para os seus compañeiros.

 

BOAS FESTAS E FELIZ 2019

Queremos desexarvos unhas boas festas con esta postal feita entre todos, tal e como entendemos que debe ser a nosa labor desde o centro, sempre en colaboración escola e  familias; valorando o que cada membro desta comunidade educativa nos aporta e aportamos.

Esperamos tamén que o novo ano 2019 veña cheo de ventos ventiños con chios de paxariños.

 Panxoliñas do Advento

1

Este ar non ten asubío.

Tampouco ten aloumiño:

só un vento cheo de frío

que se pousa no camiño.

 

Está a chegar o Nadal:

o seu vento milagreiro

ten de cantar no Portal

e de acender o luceiro.

2

Na follaxe dun carballo

naceu un vento ventiño:

ten sinxeleza de orballo

e chíos de paxariño ... !

 

Nas claridades do día

brilla o gozo do mencer.

Anda moi leda María

porque Xesús vai nacer!

 

                                                               Manuel María*

* O texto é unha panxoliña das que Manuel María escribiu fundamentalmente nos anos cincuenta e comezos dos sesenta e que utilizaba frecuentemente para felicitar as festas do Nadal ás súas amizades.

 

Neste vídeo, ademais,  podedes ver todas as postais que forman parte da conxunta do centro,  e esperamos que vos guste a música que as acompaña, xa que  forma parte dos típicos cantos de nadal, xaneiras, manueles, aguinaldos, etc da nosa cultura, interpretada polo grupo Malvela.

 

BLOGS DO COMEDOR, "BOS DÍAS COLE" E "TARDES DIVERTIDAS"

O Concello de Ames pon a disposición das familias un blog como ferramenta de comunicación, a través da cal, poderán estar informados das novidades que ocorren en ditos servizos.

Son os seguintes:

COMEDOR: https://comedormaia.blogspot.com

BOS DÍAS: https://bosdiasmaia.blogspot.com

TARDES DIVERTIDAS: http://agoraaberta.es/tardesdivertidas

SAÍDA AO PUNTO LIMPO: INFANTIL 4 ANOS

    A semana pasada os alumnos de 4 anos fixeron unha saída ó Punto limpo do Concello no polígono do Milladoiro. Alí recibeunos Patricia, a encargada na área de medio ambiente do Concello e o encargado do Punto Limpo. Explicáronlles o que teñen que facer para levar obxectos e materiais alí e a importancia de coidar os nosos bosques e mares para non contaminalos. VER MÁIS PREMENDO AQUÍ.

Mercado solidario “Troca un xoguete por un libro”

 

 

   A idea é que o alumnado traia un xoguete usado pero en boas condicións e levará a cambio un libro en galego, usado pero en boas condicións, dos fondos da biblioteca do centro e das aulas. Os xoguetes repartiranse entre a oficina de Voluntariado de Ames e Cáritas de Bertamiráns, ca idea de que as nenas e nenos das familias máis desfavorecidas tamén poidan ter un agasallo de Nadal e, ao mesmo tempo, fomentar entre o noso alumnado o gusto pola lectura e facelos partícipes da importancia de compartir e de ser solidarios.

A organización para este troco será do seguinte xeito:

a.- En Educación Infantil: As titoras e titores xestionarán directamente o troco. O alumnado entregará o xoguete ao seu titor/a na aula e a mestra/e entregaranlles a cambio un libro.

b.- En Educación Primaria: Farase na entrada principal do centro de primaria, dentro,  ao lado das escaleiras centrais. Durante o recreo o alumnado pasará polo posto de troco, que estará atendido por profesorado do centro pertencente ao equipo de dinamización da lingua galega.

  Animádevos a colaborar aportando xoguetes  durante os días 18, 19, e 20  de decembro.

 

Charla o vindeiro luns 17 de decembro, ás 18:00 h., na Biblioteca do centro.

 Enmarcada  nas  actuacións  do Plan Director para a Convivencia e a  Mellora da  Seguridade nos Centros Educativos e os  seus contornos,  proxecto que posibilita que especialistas das  Forzas e  Corpos de  Seguridade  do Estado  poidan  dirixirse  á  comunidade educativa para informar sobre os recursos  policiais e fomentar que alumnado, profesorado e  pais e  nais  coñezan de  primeira  man ou  seus  dereitos e deberes, para  desta  maneira tratar de  mellorar a convivencia de todos e todas. O programa, que se  desenvolve en colaboración  coa Xunta de Galicia, responde a  unha das  principais  liñas de actuación  do  Goberno e  da súa  Delegación, como  é ou impulso da educación en valores e a importancia da prevención e información como elementos  fundamentais para a  mellora da  sociedade.

   A  proposta  inclúe aspectos tan relevantes como o acoso escolar, os riscos asociados  ao uso das redes  sociais; e ao  consumo de estupefacientes e  alcol; a violencia nos centros educativos, os abusos e  agresións   sexuais  e a violencia  sobre a  mullermalos tratos no ámbito familiar; comportamentos racistas e   xenófobos   e  a discriminación  por razón   de sexo  ou raza, entre  outros.

 

Charla sobre Seguridade e Riscos en Internet

AVISO:

A charla prevista para o luns 3 sobre Seguridade e Riscos en Internet, queda posposta. Avísarase da próxima data.

DÍA DO ENSINO

Segundo establece Consellería de Cultura, Educación e Ordenación Universitaria, na  ORDE do 28 de maio de 2018 pola que se aproba o calendario escolar para o curso 2018/19 nos centros docentes sostidos con fondos públicos na Comunidade Autónoma de Galicia.

Co fin de unificar a celebración dos patróns de cada nivel educativo, establécese o Día do Ensino coa consideración de non lectivo para efectos académicos e que no curso 2018/19 se celebrará o 7 de decembro de 2018.

 

Distribuir contido


Usuarios conectados

Agora mesmo hai 0 usuarios e 1 invitado conectados.

by Dr. Radut