Skip to Content

Abalar

Consellería de Educación

Presentación do monográfico sobre Servizos Complementarios

 

Este mércores 20 de marzo teremos a presentación do monográfico da Revista Galega da Educación, de Nova Escola Galega, sobre Servizos complementarios. Será ás 19:00 horas no comedor do CEIP A MAÍA.

Como sabemos que é un tema do voso e do noso interese, estades todos convidados.

 

 

 

Esther Pedrosa: unha muller para o deporte!

   A semana pasada tivo lugar na biblioteca do centro unha charla da atleta galega Esther Pedrosa para 5º e 6º, organizada polas titoras de 5º, co gallo da conmemoración da Día da muller traballadora.

Nada en Santiago é unha das mellores atletas galegas de todos os tempos. Esther é deportista en activo, nai de outra atleta, e traballadora da USC onde exerce de técnico de deportes.

 Ten unha brillante traxectoria deportiva na que destacan:

O campionato de España gran fondo 20 km en 1986

Cinco subcampionatos de España en 10000 e 3000 m

Cinco medallas de bronce en distintos campionatos españois

Tamén participou con brillantez en múltiples copas e campionatos internacionais.

  Este sábado recibiu o premio a mellor atleta máster española, como recoñecemento anual aos mellores do atletismo español.

  Premede nas imaxes para ver as fotos da súa visita e charla cos de 5º e 6º.

 

Baile de Entroido. Sesión de Primaria

 Os rapaces, rapazas e profesorado de primaria (aquí están os de 5º e 6º) disfrutaron do seu baile de Entroido...

 

Baile de Entroido. Sesión de Infantil

   Os alumnos e alumnas de Infantil participando no baile de Entroido do colexio.


Un novo blog en 3º

Desde fai pouco máis dun mes contamos no Centro cun novo blog no que a profe Inma pon á vosa disposición as actividades, traballos dos seus alumnos e recursos da aula de . Esperamos que vos guste e vos sexa de utilidade. 

   A partir de agora podedes atopalo na sección "Enredados no Ceip A Maía" deste blog da Biblioteca. Premede na imaxe para entrar agora.
 
 
Nesta captura de imaxe, podedes ver unha mostra dos seus contidos...
 

Convocatoria de folga, paros e establecemento de servizos mínimos para o día 08/03/2019

Diversas organizacións sindicais comunicaron a convocatoria de folga xeral para o 8 de marzo de 2019 que afectará a todas as actividades e centros de traballo, e que se desenvolverá desde as 00.00 horas do 8 de marzo ata as 24.00 do mesmo día. Segundo as convocatorias dos distintos sindicatos haberá dúas modalidades de duración: de 24 horas do día 8 de marzo de 2019, ou por tramos de 2 horas.

Ante esta convocatoria e en previsión de que o persoal deste centro poida acollerse ao seu dereito á folga, establécense uns servizos mínimos para garantir a atención, vixilancia e coidado do alumnado, xa que o centro permanecerá aberto no seu horario habitual.

As persoas responsables dos servizos mínimos son:

  • O conserxe: Vicente Fernández Balebona
  • A coidadora: Mónica Reimúndez Rivas
  • A directora: Mª Isabel Abelleira Bardanca.

 

 

En Bertamiráns, 7 de marzo de 2019

 

 

A DIRECTORA

 Mª Isabel Abelleira Bardanca

PROCESO DE ADMISIÓN CURSO 2019-2020

INFORMACIÓN  IMPORTANTE

 premer AQUÍ   para ver TODA esta información máis detallada

 

PRAZO

Aberto do 1 ao 20 de Marzo

NORMATIVA DE ÁMBITO AUTONÓMICO

DOCUMENTACIÓN QUE SE PRECISA

BAREMO

 PUNTUACIÓN BAREMO ADMISIÓN ALUMNADO CURSO 2019/20

  1. Criterios
  2. puntuación total e criterios de desempate
  3. comisión de escolarización

OFERTA DE POSTOS ESCOLARES:

     PREVISIÓN DE VACANTES PARA O CURSO 2019/20

     E PRAZAS RESERVADAS PARA ALUMNADO CON NEAE.

PRAZOS DE TODO O PROCESO  DE ADMISIÓN

 CALENDARIO do proceso de admisión 2019/20, cos prazos...

 ÁREA DE INFLUENCIA

Publícase a zona de influencia deste centro, coa relación de rúas e de lugares incluídos. Xúntanse os mapas correspondentes.

CENTROS ADSCRITOS

Os centros adscritos a este centro son: EEI de Covas, que comparte adscripción co CEIP de BAROUTA.

Así mesmo, o Ceip A Maía está adscrito a IESP de Ames.

PROXECTO EDUCATIVO DO CENTRO. (P.E.C.)

 Poden consultar o Proxecto Educativo do Centro (PEC) pulsando aqui.

 SERVIZOS COMPLEMENTARIOS OFERTADOS

 Este centro oferta os seguintes servizos complementarios...

 FORMALIZACIÓN DA MATRÍCULA.

Do 20 ao 30 de xuño

 OUTRAS INFORMACIÓNS

 Para máis información poden acceder á nosa páxina web:http://www.edu.xunta.gal/centros/ceipamaia/

  Ou acceder á páxina da Consellería de Educación con información sobre admisión 2019/20.

 

Bertamiráns, 28 de febreiro de 2019

 A DIRECTORA

 Mª Isabel Abelleira Bardanca

Os poemas de Rosalía na Maía

 

Entroido

Estimadas nais, pais, familias:

Esta semana iniciamos a celebración do Entroido e continuaremos na liña dos cursos pasados: celébrarase no centro con actividades "por e para" o noso alumnado. As actividades que temos organizadas para o noso alumnado nesta semana son as seguintes:

Dende o 25 ao 28:

Mandadiños do Meco en Infantil e Primaria. O alumnado que o desexe terá que atender aos mandados do Meco para cada un dos días, de luns a xoves:

  • luns: "Para entrar en calor, un calcetín de cada cor tes que por"
  • martes: "Se no pote non queres acabar, algo na testa debes levar"
  • mércores: "Algo na cara debes pintar, colorete ou mostacho, para rirmos un cacho"
  • xoves: "trae algo do revés e mira ben como vés"

 

Venres 1 de Marzo:

Baile de disfraces para alumnos e profesorado. Os disfraces son de temática libre, creativos, respectuosos, que lles fagan sentirse ben e cómodos e consoantes co consumo responsable. Non se poden traer complementos que fagan alusión á guerra ou inciten á violencia tales comp réplicas de armas, pistolas, escopetas, espadas , lanzas etc, xa que temos comprobado que xeran disputas entre o alumnado e son totalmente contrarios aos valores que transmitimos desde o centro.

 

Por último avisar de que a Biblioteca permanecerá pechada o venres día 1 pola tarde e tamén lembrarvos que os días 4, 5 e 6 de marzo non son lectivos. As clases reanudaranse o  xoves 7  de marzo.

Bertamiráns , febreiro 2019

 

ROSALÍA NO CEIP A MAÍA

   Este domingo 24, celebrarase un ano máis o Día de Rosalía. 

  Como ven sendo habitual, dende o centro sumámonos a esta celebración da "nosa" escritora,  unha das figuras principais do rexurdimento da literatura galega e unha das escritoras máis importantes da literatura españolaconmemorando o 182 aniversario do nacemento de Rosalía de Castro con diversas iniciativas nas que compartimos coa comunidade a obra da autora.

  Así, ao longo destas semanas mediante os proxectos “Rosalía tamén vive aquí” e “Rosalía na terriña”, estivemos a colocar carteis e laxas de pizarra con distintos versos da poetisa, co obxectivo de deleitar a todos e todas as viandantes que se atopen con estes anaquiños de literatura.

 A través destas iniciativas de aprendizaxe - servizo, quixemos converter  Bertamiráns en vila poética. Para isto deixarán laxas con versos da obra rosaliana nunha das zonas verdes  de Bertamiráns, no parque do rego Ameneiral, coa finalidade de que os viandantes se atopen con elas e gocen dun pequeno petisco da obra desta autora.

 

  Ademais, realizamos  un vídeo no que se poderá ver todo o traballo que hai detrás destas accións poéticas e que se proxectará durante a Gala de Rosalía de Castro. O evento onde se presentará o video terá lugar na Casa da Cultura de Bertamiráns a partir das 18.00h e contará coa actuación de Rosa Cedrón.

  Tamén participamos na difusión das actuacións a través de Radio Ames, aquí vos deixamos parte da entrevista a dous alumnos de 6º de primaria, Lara e Carlos, falando de todo o que conleva esta celebración no centro. Parabéns aos dous!

  

 

Distribuir contido


Usuarios conectados

Agora mesmo hai 0 usuarios e 5 invitados conectados.

by Dr. Radut