Curso 2015-16

CONTOS CON PISTA

O pasado 18 de abril visitounos unha vez máis Raquel Queizás. A gran actriz e contadora de contos fixo as ledicias dos alumnos e alumnas de 2º, 3º, 5º e 6º de primaria. 

Nesta visita representou o seu espectáculo CONTOS CON PISTA. No mesmo, co seu habitual bo facer, contou, escenificou, cantou e mantivo a intriga e interese dos nenos e nenas con historias basadas en lendas tradicionais galegas.

Partindo das súas vivencias da infancia na aldea, enlazou con tres historias protagonizadas por personaxes do imaxinario popular galego como son: os trasnos, o home do saco e a moura. Unha forma divertida e amena de achegar aos rapaces e rapazas a literatura galega de tradición oral. 

 

CANDO XOGO... EN GALEGO!!

Como complemento ao programa que estamos a desenvolver no colexio CANDO XOGO... EN GALEGO!!, este martes, 19 de abril, celebraremos unha xornada adicada ao deporte. Ao longo da mesma os nenos e nenas participarán en distintas probas e asistirán a pequenas charlas sobre dous dos deportes máis coñecidos e practicados por eles: o fútbol sala e o atletismo. Este día contaremos coa colaboración do OURENSE C.F., OURENSE-ENVIALIA  F.S. FEMININO e o CLUBE ATLETAS VETERANOS DE OURENSE. Remataremos a xornada coa entrega de medallas conmemorativas a todo o alumnado. Esperemos que o tempo nos acompañe neste día!! 

Este é o programa da xornada:


CANDO XOGO... EN GALEGO!!

CANDO XOGO... EN GALEGO! é o nome da campaña que se está realizando no centro promovida polo Equipo de Educación Física e o Equipo de Dinamización da Lingua Galega, co fin de que os alumnos e alumnas coñezan e empreguen o vocabulario galego básico asociado aos deportes máis coñecidos e practicados por eles. Traballarase o vocabulario dos seguintes deportes: fútbol, baloncesto, ciclismo, tenis, atletismo e xogos populares. Cada deporte foi asignado a un curso determinado que é o que se encarga de buscar o vocabulario, prepara un listado coas principais palabras do mesmo e elabora un mural que se expón na entrada do colexio durante unha semana para que poda ser visto polo resto do alumnado. Así sucesivamente durante seis semanas ata que se expoñan os seis deportes mencionados.

Esta actividade rematará coa celebración o día 19 de abril do DÍA DO DEPORTE, con diferentes actividades lúdico-deportivas. 

Aquí vos deixamos unha mostra dos seis deportes  traballados:

 

ATLETISMO - 6º B ED. PRIMARIA - SEMANA DO 19-04 AO 26-04-2016
 
XOGOS POPULARES - 3º ED. PRIMARIA - SEMANA DO 12-04 AO 19-04-2016
 

TENIS - 4º B ED. PRIMARIA - SEMANA DO 05-04 AO 12-04-2016
 
CICLISMO - 4º B ED. PRIMARIA - SEMANA DO 29-03 AO 05-04-2016 
   
 BALONCESTO - 6º A ED. PRIMARIA - SEMANA DO 16-03 AO 29-03-2016 
   
 FÚTBOL - 5º ED. PRIMARIA  - SEMANA DO 08-03 AO 15-03-2016
 

SOLICITUDE DE SERVIZOS COMPLEMENTARIOS CURSO 2016/2017

Segundo marca a Orde do 12 de marzo de 2013 pola que se desenvolve o procedemento para a admisión do alumnado en centros sustentados con fondos públicos (DOG do 15-03-2013) e a Corrección de erros publicada no DOG do 24 de abril de 2013, "o alumnado con garantía de permanencia no centro docente que non teña que formalizar matrícula, deberá manifestar expresamente mediante escrito dirixido a este ao longo do mes de abril de cada ano, que solicita utilizar os servizos complementarios de comedor e/ou transporte escolar". 

En aplicación desta normativa enviouse ás familias a solicitude (que poderán descargar da imaxe adxunta en caso de perda ou extravío), para que indiquen se utilizarán os citados servizos o vindeiro curso 2016/2017, tamén, "para os únicos efectos de acceder aos ditos servizos, as persoas interesadas autorizarán expresamente a utilización dos datos de identidade persoal e de residencia, que serán subministrados directamente a esta consellería polos respectivos Sistemas de Verificación de Datos de Identidade e Residencia do Ministerio de Facenda e Administracións Públicas. Así mesmo, autorizarán a utilización da información tributaria que se precise, que será subministrada directamente a esta consellería pola Axencia Estatal de Administración Tributaria. De non autorizar esta consulta, deberán achegar copia do documento de identidade correspondente e do certificado de empadroamento". 

 A solicitude deberá entregarse en secretaría ao longo do mes de abril. 

OCIO EN FAMILIA

Facémonos eco do programa OCIO EN FAMILIA  que está a levar a cabo o Concello de Ourense e que vai destinado ás familias con fillos entre 4 e 14 anos. Coa finalidade de ofrecer un tempo de ocio en común ás familias, sá, alternativo e divertido, o programa inclúe cinco actividades distintas: 

1- Andaina sen fume

2- Mira Ourense con outros ollos

3- Xogos para compartir 

4- Auga e ruta termal 0

5- A luz da lúa 

Todas as actividades son gratuítas, as familias interesadas só teñen que inscribirse antes do 27 de abril na Rúa da Concordia, Nº 20 - entrechán. Tamén podedes solicitar máis información no número de teléfono 988510622

Para saber máis sobre esta iniciativa podedes ler o seguinte documento:

 

 (Despraza a barra lateral para visualizar todas as follas do documento) 

SEMANA DA ÁRBORE E DA AUGA 2016

O día 21 de marzo celébrase o DÍA INTERNACIONAL DOS BOSQUES e o 22 de marzo o DÍA MUNDIAL DA AUGA, e un ano máis no noso cole quixemos celebrar estas datas tan sinaladas a través de varias propostas. Dende o Proxecto de Voz Natura xa se realizou ao longo do mes de febreiro e marzo a actividade "Grazas por adoptarme" na que os nenos e nenas levaron para as súas casas pequenos brotes de carballos plantados en "tetra-bricks" co fin de transplantalos e coidalosTamén comezou a "Viaxe de Narigota" (a mascota da auga) polos diferentes fogares para concienciar sobre o aforro da auga mediante unha serie de consellos na seu caderno viaxeiro.

Ademais participamos na actividade promovida pola Deputación de Ourense "2ª SEMANA ESCOLAR DA ÁRBORE E DA AUGA". Ao longo da semana do 13 ao 18 de marzo os alumnos e alumnas de 6º, 5º, 4º e 3º  de primaria, despois da lectura do libro facilitado pola Deputación: "DONA PINGA E DON CARBALLO FAN AMIZADE", realizaron diversas actividades baseadas na historia que xiraba en torno a figura dunha pinga, unha landra e un carballo e os ciclos da auga e das árbores. 

Estas actividades remataban o día 18 de marzo coa plantación de cinco carballos en diferentes zonas do patio do colexio. Por mor do mal tempo tivemos que pospoñer a citada plantación, que realizamos á volta das vacacións de Semana Santa. 

Na seguinte presentación veredes as fotos do día que fixemos as plantacións e os nomes que elexiron os propios alumnos/as para as árbores que, a partir de agora, se encargarán de protexer e coidar. 

ENCONTRO CO AUTOR/A 2016

O pasado martes, 29 de marzo, os alumnos e alumnas de 6º curso de Educación Primaria participaron nunha das actividades máis interesantes e motivadoras para eles: o encontro co autor/a dun libro que acababan de ler nas aulas. Este ano o encontro foi con Érica Esmorís, autora do libro "Nena e o mar" premio Merlín de Literatura Infantil 2015. 

O encontro tivo lugar no salón de actos da Escola de Teatro Municipal. A autora fixo unha presentación de sí mesma, dos rasgos principais da súa vida e contou como se adicou á literatura, cal era o proceso que seguía para escribir os seus libros...tamén lles explicou como nacera e se fora fraguando o libro "Nena e o mar" para despois contestar a todas as preguntas que lle quixeron facer os rapaces e rapazas. Ao final asinou os libros que lle presentaron. 

O día do encontro estaban presentes periodistas e cámaras da Televisión de Galicia que entrevistaron, unha vez rematado o acto, a diferentes alumnos/as para coñecer a súa opinión sobre o libro.Ismael e Antonio, alumnos do noso centro, foron algúns dos entrevistados. Aquí tedes un enlace á páxina web da CRTVG e ao vídeo da entrevista (picade na imaxe):

 

Tamén vos deixamos uns enlaces moi interesantes para que coñezades máis detalles sobre esta a autora e a súa obra:

 

 (Premede en cada imaxe para acceder aos contidos)

 

TI RECICLAS, OURENSE GAÑA

Dentro das actividades promovidas polo Concello de Ourense no seu programa de medioambiente, o pasado luns, 7 de marzo, os alumnos e alumnas de 5º e 6º de Educación Primaria asistiron á charla "Ti reciclas, Ourense gaña" , impartida no propio centro por un especialista en educación ambiental. O principal obxectivo desta actividade é o de fomentar nos nenos/as hábitos de coidado e protección do medio ambiente con accións que temos cada día ao noso alcance: separar correctamente os residuos que xeramos na casa e/ou no colexio  para que podan ser reciclados. Na charla ademais de explicarlles o significado dos "TRES ERRES" (reduce, reutiliza e recicla) e do funcionamento da planta de SOGAMA (Sociedade Galega do Medio Ambiente) "onde se recicla todo o susceptible de ser reciclado", coñeceron como se separan os distintos tipos de residuos nos contenedores apropiados para cada un deles, tanto os máis xenéricos (orgánicos, envases, papel e vidro) coma outros que requiren contenedores especiais (pilas, bombillas e lámpadas, mediciñas, aceite usado...)

E para completar esta charla deixámosvos uns enlaces moi interesantes: facendo clic na primeira imaxe podesdes ver uns consellos que publicou SOGAMA para aprender a separar e reciclar e que van dirixidos aos nenos e nenas. E facendo o mesmo na segunda imaxe, tedes acceso a un xogo sobre a reciclaxe:

TALLERES PAN DE MILLO

O curso pasado o equipo que leva a cabo o programa de VOZ NATURA no noso centro realizou unha serie de talleres, denominados "TALLERES CON RAÍZ", cos que intentaban dar a coñecer aos alumnos e alumnas de Educación Infantil actividades e xogos que realizaban os seus avós cando eran pequenos. Ao longo deste mes de marzo retomaron esta actividade realizando un novo taller: "PAN DE MILLO". Neste taller os nenos e nenas aprenden como se colleita o millo, cal é o proceso que se segue para obter a fariña e logo elaboran eles mesmos uns boliños coa fariña de millo. A esta experiencia, ademais do alumnado de infantil uníronse os alumnos de 1º de primaria  e a vindeira semana serán os de 2º curso os que o realicen. Coma nos talleres anteriores, contaron coa presenza do avó Sergio que lles explica todo o proceso e lles ensina a amasar e facer os boliños. Estes cócense no forno do comedor escolar e logo lévannos para as súas casas para merendar. 

Se picades nas imaxes iredes directamente ao blog do proxecto de VOZ NATURA do centro para coñecer máis detalles desta experiencia e ver as imaxes dos nenos en plena faena "coas mans na masa". 

 

 

                                         PAN DE MILLO

 

HÁBITOS SAUDABLES E HÁBITOS LECTORES

O Fomento da Lectura e a Educación para a Saúde son dous temas transversais contemplados no currículo e que traballamos cada día no colexio (recordamos:  sesón diaria adicada á hora lectura, actividades propostas dende a biblioteca escolar, fomento de hábitos alimentarios saudables dende o comedor escolar, educación física,  traballo nas aulas ...). Por que recordamos isto?. Porque o pasado venres, 19 de febreiro, os pequenos e pequenas de Educación Infantil realizaron unha actividade no colexio que aunou a un tempo os dous aspectos: fomentar a lectura e a creatividade e favorecer hábitos alimentarios saudables.

Se queredes coñecer algo máis sobre esta actividade só tedes que premer na seguinte imaxe para enlazar co blog do cole que leva o proxecto de VOZ NATURA neste curso.

 

 

Powered by Drupal - Design by artinet