Skip to Content

INICIO DE CURSO 2021/2022

25/08/2021 17:27
Europe/Madrid

 

inicio do curso escolar 2021/2022 terá lugar o xoves 9 de setembro, conforme ao calendario escolar publicado pola Consellería de Educación na Orde do 19 de maio de 2021.

Nos próximos días iremos concretando como se desenvolverá a chegada nesa primeira xornada, que previsiblemente non diferirá moito de como rematamos o curso.

Seguiremos mantendo os grupos de convivencia estable (burbullas) e as entradas diferenciadas para transportados e non transportados (estes últimos cos dous accesos para infantil e primaria).

As familias do alumnado de 4º de Ed. Infantil (3 anos) serán informadas de como se desenvolverá o período de adaptación cando estea definido.

A entrega dos Vales de Material (1º a 6º de primaria) e Vales para a adquisición de libros de texto (1º e 2º de primaria), do alumnado beneficiario da convocatoria para este curso producirase durante os días previos ao inicio do curso.

O reparto dos libros do Fondo Solidario de Libros de Texto para o alumnado beneficiario realizarémolo internamente na escola como o pasado curso, como medida de prevención da COVID-19.

 

LIBROS DE TEXTO CURSO 2021/2022

01/07/2021 12:23
Europe/Madrid

 

No seguinte enlace podes descargar a listaxe de libros de texto para o curso 2021/2022.

 

ACTUALIZACIÓN DAS NORMAS DE ORGANIZACIÓN E FUNCIONAMENTO

15/11/2020 19:23
Europe/Madrid

 

No seguinte enlace podes atopar a última actualización das NOF que rexen o Funcionamento e a Convivencia no noso centro.

(*Resolución conxunta da Secretaría Xeral Técnica e a Secretaría Xeral de Educación e Formación Profesional)

 

PLAN ADAPTACIÓN Á SITUACIÓN COVID 19 NO CURSO 2020/2021

09/09/2020 22:15
Europe/Madrid

 

No seguinte enlace poderedes ver a concreción para o noso centro do protocolo de adaptación ao contexto COVID 19.

O presente documento está suxeito a revisións e melloras que se irán actualizando.

Tamén publicamos o Plan de Continxencia.

 

INFORMACIÓN ADAPTACIÓN AO CONTEXTO COVID19

03/09/2020 22:02
Europe/Madrid

Mentres rematamos de ultimar o documento que colgaremos nesta Web, vos deixamos a información máis importante para que a vaiades coñecendo de cara ao comezo de curso.

- O día 10 comezará o alumnado de 4º e 5º de Infantil e 1º, 2º e 3º de Primaria.

- O día 11 incorporarase o alumnado de 6º de Infantil e 4º, 5º e 6º de Primaria.

- O alumnado irá entrando na escola a medida que vaia chegando no transporte ou a pé. O profesorado estará na aula para recibilo e nas portas e corredores para distribuílo e axudalos.

+ ALUMNADO TRANSPORTADO: pola porta do patio superior.

+ ALUMNADO NON TRANSPORTADO de Ed. Infantil pola porta de Ed. Infantil acompañados dun so responsable con mascarilla.

+ ALUMNADO NON TRANSPORTADO de PRIMARIA pola porta de dirección e sen acompañante.

+ O portal que se abrirá para o alumnado NON TRANSPORTADO será o do patio inferior (Ed. Infantil).

- A relación co centro será a partir do día 10 telefónica ou a través de plataformas dixitais, agás cando sexa indispensable a presenza na escola.

- Para poder acceder ao centro en caso de necesidade, farase polo portal de entrada que dá acceso ao patio de infantil, que ten porteiro automático, e nunca nas horas de entrada e saída de alumnado. O Equipo Directivo ou o profesorado de garda será quen autorice o acceso só se é preciso.

- O material escolar quedará sempre na escola e será de uso individual.

- As familias deberán realizar a diario na casa a autoenquisa COVID19 para detectar sintomatoloxía compatible. De ser o caso non acudirán ao centro escolar e deberán comunicarse co centro de Saúde de Referencia (A Lama) ademais de comunicalo ao centro. Ademais será preciso ter entregada a Declaración Responsable.

- Para o alumnado de Primaria a mascarilla é obrigatoria, e outra de reposto. Igualmente para o persoal que traballe no centro.

- Para o alumnado de Infantil a mascarilla é altamente recomendable.

Nos seguintes enlaces podedes descargar o Modelo de Declaración Responsable e a Enquisa de Autoevaluación Clínica en formato PDF. 

LIBROS DE TEXTO CURSO 2020/2021

19/06/2020 17:04
Europe/Madrid

O arquivo adxunto contén as listaxes de libros de texto para o vindeiro curso 2020/2021.

Antes de facer algunha adquisición deberiades agardar á resolución da convocatoria de axudas para libros de texto e material.

Este curso toca cambio dos libros de 3º e 5º, por levar xa 6 anos de uso.

En 1º e 2º, ao ser funxibles, pódense revisar anualmente e tamén haberá cambios de cara ao próximo curso.

De 4º a 6º non aparece libro de texto de Relixión Católica porque van seguir empregando os libros do fondo e temos existencias.

Non están nas listaxes os cadernos de Lengua Castellana (1º e 2º) e Inglés (1º a 6º), por non estar considerados libros de texto. Aparecerán nas listaxes de material que publicaremos en setembro cando se incorpore o profesorado novo e definamos as titorías.

As persoas beneficiarias de libros de texto de 3º a 6º os recibirán en setembro por parte da escola. Os beneficiarios de 1º e 2º os mercarán con cargo ás axudas que reciban.

 

RECOLLIDA DE MATERIAIS E ENTREGA DE LIBROS DO FONDO

13/06/2020 20:05
Europe/Madrid

A organización para estes últimos días será do seguinte xeito:

 

- Cada curso terá un día concreto para vir recoller o material de uso individual que quedou aquí.

- Ese mesmo día vos recolleremos os libros do fondo que teñades na casa, así como as mochilas viaxeiras e outros empréstitos da biblioteca.

- As familias con varios fillos escolarizados poderán decantarse por un día. Nese caso deberán concretar cos distintos titores a través da aplicación (Edmodo en Primaria e Classdojo en Infantil) que día van escoller, para que os titores que non estean ese día lles deixen preparado o material aos outros. Se queredes vir os distintos días podedes.

- A entrada farase polo patio onde se entra polas mañás normalmente.

- O horario será de 10 a 13, tentando ser rápidos e garantindo as distancias de seguridade e usando mascarilla.

- Agardaredes fóra mantendo a distancia, e iredes pasando individualmente. Un proxenitor por alumno (e o alumno se queredes e con mascarilla a partir dos 6 anos).

 

As datas establecidas son:

 

18 de xuño - 5º de primaria

19 de xuño - 6º de primaria

22 de xuño - 1º e 2º de primaria

23 de xuño - 4º de primaria

25 de xuño - 4º de infantil

26 de xuño - 3º de primaria

29 de xuño - 5º e 6º de infantil

 

- Os inconvintes particulares os resolvedes coa dirección do centro, pero concretade cos titores no caso de que teñades varios fillos e só queirades vir un día.

- Non se trata de ter titoría ese día. Podedes vir con liberdade entre as 10 e as 13 e ao chegar agardar a quenda. Non hai que pedir cita previa, pois xa vos estamos repartindo en moitos días distintos para evitar aglomeracións.

- Lembrade que o prazo para fondo libros e axudas de material para o vindeiro curso en Primaria remata o día 19 de xuño.

- As notas publicaranse en Abalar Móbil, pero como non aporta toda a información tamén volas entregaremos en papel ese día.

FONDO LIBROS E AXUDAS MATERIAL

Xa está publicada no taboleiro da escola a listaxe provisional de alumnado beneficiado do Fondo Solidario de Libros de Texto.

Mentres a listaxe sexa provisional non aparece indicado que libros se lle empresatarán, senón cantos serán.

Esta listaxe será definitiva a partir do día 11 de xullo. Dende hoxe ate o día 10 (inclusive) se antenderán posibles reclamacións.

Os Vales para Axuda de Adquisición de Material (1º a 6º) e Adquisición de Libros de Texto (1º e 2º de primaria) poderán ser recollidos de 11:00 a 13:00 os días 11 e 12 de xullo. (Quen non o recolla neste mes poderá facelo en setembro)

A listaxe de material de cada aula non se publicará ate setembro, cando tome posesión o novo profesorado.

Nos seguintes enlaces poderás consultar as listaxes de Vales e Libros concedidos.

 

LIBROS 2019_2020

Podes descargar a listaxe de libros para o curso 2019_2020 no ficheiro adxunto.

Antes de mercar ou encargar, se eres beneficiario do Fondo Solidario de Libros de Texto, debes agardar a que estea publicada a listaxe definitiva, na que se indicará que libros se lle emprestará ao alumnado.

O RECANTO DE LEO... O BLOG DA BIBLIOTECA!

E por fin... xa temos o blog da biblioteca.

Costoume un pouco chegar a conquista destas novas tecnoloxías (son un ratiño moi ocupado) pero... xa estou aquí!

Coñecede o meu recanto e asomádevos a: www.orecantodeleo.org

E non esquezades deixar por alí a vosa pegada!

Un saudiño. Lémonos...

LEO

Distribuir contido


by Dr. Radut