Durante o terceiro trimestre, construímos a nosa propia horta, na que os alumnos cultivaron froitas (amorodos) e outras plantas (tomates, leitugas, cogombros, pementos, macela, anís, tomiño, perexil, fiúncho, coandro…). Desta forma, entraron en contacto directo co seu proceso de cultivo e coidados precisos, observando a evolución da plantación e transformándose en pequenos agricultores. Os produtos obtidos serviron para facer un mercado solidario.