Nestas últimas semanas o alumnado de Educación Infantil acudiu ó CEE Infanta Elena, onde fomos convidados a desfrutar de diversos e entretidos contacontos. 

Pasamos un momento literario xenial en compañía do alumnado, profesorado e familias do centro, gozando da escoita e da compresión dos inxeniosos contacontos.

Destacamos a realización deste tipo de propostas compartidas pois fomentan lazos de convivencia e inclusión social, ao tempo que espertan o gusto estético e literario do alumnado.

Hoxe os nenos e nenas de Educación Primaria gozaron da segunda parte do obradoiro "Outonía". Nel aprenderon a importancia do recoñecemento do patrimonio cultural imaxinando como sería Monforte se non existisen elementos característicos desta cidade.

O TEU CORPO É TEU e ninguén debe tocalo se ti non queres.

O pasado luns, 9 de outubro, Blanca, representante de OUTONÍA, cooperativa que traballa en prol da educación social e da sustentibilidade rural, fixo un obradoiro co alumnado de 4º e 5º de infantil (3 e 4 anos) no que falar do noso corpo, da nosa identidade e do bo trato persoal, colectivo e social. Para iso serviuse do libro: O TEU CORPO É TEU de Lucía Serrano.

Grazas á Asociación de Nais e Pais do CEIP Plurilingüe A GÁNDARA por facer chegar este obradoiro ao noso alumnado de infantil.

Co motivo do Día Europeo da Agricultura Ecololóxica o alumnado de Infantil e 1º de Primaria acudimos o pasado venres, 22 de setembro, ao salón do Multiusos á presentación do novo libro dos Bolechas titulado OS ALIMENTOS ECOLÓXICOS.

Ao acto acudiron, ademais de moito alumnado dos centros escolares de Monforte,  autoridades locais e autonómicas, Pepe Carreiro o creador dos Bolechas, Pakolas que nos fixo bailar e os propios Bolechas!!!! Como gozamos da súa presenza!!!! MIrade, mirade... non ten desperdizo.