Actividades

CARREIRA SAN SILVESTRE 2019

    Este ano, dende o CEIP Plurilingüe A Cristina quixemos facer unha actividade solidaria para axudar nestas datas tan importantes a toda a xente que vive nunha circunstancia de precariedade e carece de recursos básicos.

    Por iso, pedimos que durante toda esta semana cada un de nós aportase o seu grao de arena e trouxese alimentos e produtos de hixiene. A participación foi realmente abraiante, estamos moi agradecidos con todas as familias que colaboraron para unha causa tan importante e, así dar dalgún xeito o noso cariño a toda esa xente que o precisa. Aquí vos deixamos unha mostra de todas as vosas aportacións que serán levadas a “Cáritas”, para participar con eles na súa campaña de Nadal que este ano leva por título: “TODOS TEMOS UN ANXO, ESPECIALMENTE NO NADAL”.

   Ademais desta recollida, no día de hoxe tivo lugar a nosa “Carreira solidaria”, na que cada curso facía un pequeno circuíto (con elementos do nadal a modo de decoración), simbolizando dalgún xeito a tradicional “CARREIRA DE SAN SILVESTRE” que se celebra o 31 de decembro en moitos lugares. Deixámosvos no seguinte vídeo unha mostra:

 

   Moitas grazas a tod@s pola vosa colaboración!!!

     BO NADAL E FELIZ ANO NOVO!!!!

NADAL 2019

 

    Como ben sabedes, estamos achegándonos a unha das festividades máis agardadas polos nenos e nenas...é dicir, o NADAL, época de moita ilusión entre os nosos peques. Por iso, e dende o noso centro, temos preparadas para esta semana que comeza unha serie de actividades, entre as que destacamos:

  • Festival de Panxoliñas” en galego, no cal participa todo o alumnado coa axuda da mestra de música (Nerea).
  • Karaoke de Panxoliñas” na biblioteca durante os recreos. Podedes ver todas as seleccionadas no blog da biblioteca “O recuncho de Nuno”. Non te quedes sen participar!!!
  • Visita dos REIS MAGOS dende Oriente, o venres 20 de decembro. Para esta última actividade os alumnos levarán a súa carta, a cal fomos elaborando os días previos. Destacar que dende o EDLG elaboramos unha diferente para cada ciclo, deixámosvos unha mostra da que fixemos para o 2º ciclo:

    Ademais de todo o anterior, comentarvos que dende as aulas o alumnado está traballando unha figura característica desta época, que ademais é moi singular da nosa cultura galega, como é o “Apalpador”. Deixámosvos varios enlaces para poder divertirvos investigando e coñecendo máis sobre el:

 

 

 


 

 
 
 
 
OS MESTRES/AS DA CRISTINA DESEXÁMOSVOS FELICES FESTAS A TOD@S!!!!
 
 
 
 
 
 
 

NOVEMBRO: MES DA CIENCIA EN GALEGO

Novembro é o mes da ciencia en galego e este ano todo o alumnado do centro quixo unirse a esta iniciativa que, pensamos, foi todo un éxito.
Grandes e pequenos estivemos investigando, facendo hipóteses e realizando diversos experimentos que queremos compartir con todos vós.
Por iso, podedes visualizar vídeos dalgúns dos experimentos levados a cabo nas aulas nas últimas semanas visitando o blog da nosa biblioteca.
 
Deixámosvos unha fotografía da exposición dalgúns dos nosos experimentos.

25-N DÍA CONTRA A VIOLENCIA DE XÉNERO

                                                     (Obsequio do Concello de Carballo para todo o alumnado do centro)

Dende o CEIP Plurilingüe A Cristina mostramos o noso rexeitamento unánime contra a violencia de xénero.

A continuación deixámosvos dous vídeos onde poderedes ver todas as actividades que levamos a cabo os días anteriores e o propio día 25 de novembro para, por unha parte, concienciar sobre a violencia de xénero e, por outra parte, mostrar o noso apoio ás vítimas de violencia de xénero.

Invitámosvos a visitar o blog da nosa biblioteca para coñecer máis en detalle as actividades que se realizaron (portas violetas, investigacións sobre as desigualdades entre homes e mulleres nos xogos olímpicos, lecturas por parte de familias do centro na biblioteca, coreografía, lectura do manifesto do alumnado de 6º EP,...).

 

 

CURANDEIROS E CURANDEIRAS: SOMBRA, MAL DE OLLO,...

    Este ano, para celebrar o Samaín, continuamos investigando sobre aspectos da nosa cultura galega, nesta ocasión centrándonos na figura dos "curandeiros e curandeiras", persoas importantes na nosa comunidade dende hai moitos anos e, que aínda hoxe en día podemos escoitar falar delas. 

    Para iso, os alumnos e alumnas do centro, foron vendo plantas que se empregaban para tratar certas enfermidades e tamén coñecendo rituais que facían para certas doenzas estas persoas.

 

    Velaquí vos deixamos unha mostra do seu traballo e como non, dalgunha demostración como CURANDEIROS E CURANDEIRAS.  

    Pinchade en cada unha das imaxes para poder ver os vídeos:

 

  • Educación Infantil:

 

 

 

 

 

 

 

 

 

  • 1º Ciclo Educación Primaria:

 

 

 

 

 

 

 

 

 

  • 2º Ciclo Educación Primaria:

 

 

 

 

 

 

 

 

 

  • 3º Ciclo Educación Primaria:

CELEBRACIÓN SAMAÍN E MAGOSTO 2019!!!

Como cada ano celebramos xuntos o Samaín e Magosto.

Durante esta xornada estivemos acompañados de meigas, mortos, pantasmas, esqueletos e moitos máis seres do día máis terrorífico do ano….O SAMAÍN. Todos xuntos desfrutamos un montón desgustando castañas e facendo xogos populares con castañas no patio do colexio.

Pinchade no debuxo para ver o vídeo

 

 

   Aquí vos deixamos unha mostra dun día cargado de emocións!!!  Esperamos que vos guste!!E como non, agradecervos a tod@s a vosa colaboración na realización das “Vasoiras terroríficas” quedaron realmente xeniais!!!

ACTIVIDADES PARA SAMAÍN E MAGOSTO

Esta semana celebramos o Magosto e o Samaín. Para desfrutar destas festas xogando e aprendendo deixámosvos unhas actividades. Esperamos que vos gusten!!

 

BRINCADEIRAS 2019

 

ENREGUÉIFATE

Os alumnos e alumnas de 4º de Educación Primaria participaron na III edición do certamen de regueifas en vídeos organizado por ENREGUÉIFATE coa colaboración do concello de Santiago, o concello de Teo e o concello de Ames.

A continuación, nos arquivos adxuntos deixámosvos os vídeos cos que participaron (pinchade en cada arquivo adxunto para poder ver cada vídeo).

Animádesvos a regueifar con eles?

 

21 de marzo DÍA DA POESÍA

O 21 de marzo conmemoramos o día da poesía e este curso decidimos traballar distintos tipos de poesía.
 
En educación infantil realizamos varios caligramas relacionados coa primavera. O caligrama é un tipo de poesía para mirar e contemplar ademais de ler. Nos caligramas, o poeta debuxa un obxecto relacionado co tema principal do poema.
 
En 1º e 2º de educación primaria realizamos uns acrósticos, que son unhas composicións poéticas nas que as letras iniciais, medias ou finais de cada verso, lidas en sentido vertical, forman un vocablo ou locución.
 
En 3º, 4ºA e 4º B de educación primaria fixemos os poemas limerick, unha forma poética moi coñecida no mundo anglosaxón. Está formada comunmente por cinco versos de tipo anapesto, cun esquema de rima estrito: AABBA. O limerick ten xeralmente intención humorística. Os dous primeiros versos riman co último, así como o terceiro co cuarto, e estes dous polo xeral son mais curtos.
 
E en 5º e 6º de educación primaria traballamos os poemas diamante. Os poemas diamante son poemas de 7 versos asoantes en forma de diamante. O primeiro verso consiste dun sustantivo; o segundo de dous adxectivos que describan ao sustantivo; o terceiro, de tres verbos; o cuarto de catro sustantivos (os dous últimos deben ter un significado oposto aos dous primeiros); o quinto de tres verbos que reflictan o cambio no suxeito do poema; o sexto, de dous adxectivos que continúen a idea do cambio; e o sétimo dun sustantivo que sexa oposto ao primeiro sustantivo.
 
Aquí tedes a mostra do traballo completo.
 
 
Ademais, hoxe, na hora de ler, fixemos a lectura destes poemas no patio do colexio. Esperamos que vos gusten.
 

Moitas grazas a todos e todas polo voso esforzo.

Invitámosvos a visitar o blog da biblioteca para ver máis.

DÍA DA MULLER

O 8 de marzo conmemoramos unha data moi importante, O DÍA DA MULLER.

 

Por iso, os nenos e nenas do CEIP Plurilingüe A Cristina traballamos durante estes días con distintas mulleres importantes da cultura galega investigando todo sobre elas, facendo fincapé, acorde ao proxecto de centro, na revolución e en qué foron revolucionarias.

 

O equipo de biblioteca en colaboración co equipo de dinamización da lingua galega prepararon a montaxe deste vídeo coa canción de "Matriarcas" de Guadi Galego, representada polo alumnado de 6º de Educación Primaria. 

Esperamos que o desfrutedes.
 

LIBRE O MEU PENSAMENTO...24 de Febreiro "Día de Rosalía"

   Achegámonos ao 24 de Febreiro, día en que se conmemora a figura dunha das escritoras máis importantes da cultura galega....ROSALÍA DE CASTRO

 

   Por iso, os nenos e nenas do CEIP Plurilingüe A Cristina traballamos durante estes días sobre varias estrofas reivindicativas de dita escritora. Con elas Rosalía tentaba denunciar as distintas inxustizas socias vividas na sociedade. 

 

    Dende o EDLG deixámosvos algunhas mostras do traballo realizado por cada un dos ciclos, indicando ademais o verso que reflexa cada unha das inxustizas, que como poden ver, aparece reflexado nas chapas e nas diferentes pancartas.

   

   Antes diso premede no archivo adxunto para ver aos mais cativos/as recitando os seus versos, esperamos que vos guste:

 

 

   O que se engade a continuación, son as diferentes imaxes dos alumnos coas súas chapas e as pancartas:

 

  

Educación Infantil: "Cantares Gallegos"...Emigración

                 "¡Deixo a casa onde nacín...!

 

1º ciclo Educación Primaria

 

1º ciclo de Educación Primaria: "Cantares Gallegos"...Abuso Laboral, Emigración

                 "Trataide ben ós galegos"

 

 

2º ciclo de Educación Primaria: "Follas Novas"...Inxustiza social

                 "Tirá...que cando caiades,

                  hanvos de face-lo mesmo"

 

  

3º ciclo de Educación Primaria: "Follas novas"...Violencia de xénero

                 "Quedei deshonrada, mucháronme a vida"

CELEBRAMOS O DÍA DA PAZ... BAILANDO !!!

Dende o CEIP Plurilingüe A Cristina, conmemoramos o Día Escolar da Non Violencia e da Paz e que mellor maneira de facelo que cantando e bailando esta canción de Mamá Cabra titulada "Baile da Paz".

 

Facede clic na imaxe para desfrutar do noso traballo.

 

Esperamos que vos guste Sorriso

 

 

 

 

 

Moitas grazas a todos/as !!!

Carta aos "Reis Magos"

   Achegámonos a unha das datas máis esperadas por moitos nenos e nenas, "O NADAL", por iso non podemos marchar sen antes recibir aos REIS MAGOS no noso colexio. A visita será este venres 21 de decembro.

   Dende o EDLG elaborouse unha carta adaptada a cada un dos niveis para que nesta visita poidan entregar as súas petidicións ás súas maxestades.

   Deixámosvos a carta que cubriron os nosos alumn@s de Educación Infantil!

 


OS NOSOS CONTOS DO SAMAÍN

   Tras coñecer cada un dos seres mitolóxicos galegos seleccionados para a celebración do Samaín, os alumnos e alumnas dos distintos cursos elaboraron o seu propio conto. Todos os contos foros expostos nos corredores do centro.

    A continuación deixámosvos uns vídeos nos que os nosos alumnos e alumnas relatan o seu conto elaborado xunto co resto de compañeiros e compañeiras.

 

Conto Samaín sobre o "Gatipedro"   --- Alumnos/as de Infantil

You are missing some Flash content that should appear here! Perhaps your browser cannot display it, or maybe it did not initialize correctly.

 

Conto Samaín sobre a "Tía Xuana"   --- Alumnos/as de 1º e 2º de Educación Primaria

You are missing some Flash content that should appear here! Perhaps your browser cannot display it, or maybe it did not initialize correctly.

 

 

Conto Samaín sobre a "A Bruxa dos dentes verdes"   --- Alumnos/as de 3º e 4º de Educación Primaria

You are missing some Flash content that should appear here! Perhaps your browser cannot display it, or maybe it did not initialize correctly.

You are missing some Flash content that should appear here! Perhaps your browser cannot display it, or maybe it did not initialize correctly.

 

Conto Samaín sobre a "Estadea"   --- Alumnos/as de 5º e 6º de Educación Primaria

You are missing some Flash content that should appear here! Perhaps your browser cannot display it, or maybe it did not initialize correctly.

You are missing some Flash content that should appear here! Perhaps your browser cannot display it, or maybe it did not initialize correctly.

Distribuir contido