VISITA DE KALANDRAKA

Este MARTES 19 DE FEBREIRO os alumn@s de Infantil e 1º de Educación Primaria recibímola visita de Patri e Alex da editorial Kalandraka.


Con eles compartimos momentos moi divertidos coñecendo aos diferentes personaxes que viven nos contos e disfrutando das melodías dos diferentes instrumentos que trouxeron.

"EDUCACIÓN, DEPORTE E VALORES"

18/02/2013 15:52
Etc/GMT+1

 

 O  noso centro contará durante esta semana, cunha exposición itinerante sobre a" Educación, Deporte e Valores". Consta de dezasete paneis despregables e estará aberta no corredor principal do centro, a todo o colectivo escolar.

Esta exposición é unha invitación a  reflexionar sobre a importancia de determinados valores do deporte    como : NOBREZA, TOLERANCIA, INTEGRACIÓN, XOGO LIMPO, SAÚDE, DIVERSIÓN...

VALERIA GÓMEZ CLASIFICOUSE PARA O CAMPIONATO GALEGO ESCOLAR DE CAMPO A TRAVÉS

16/02/2013 18:31
Etc/GMT+1

Valeria Gómez clasificouse para disputar o Campionato Galego de campo a través escolar, ao finalizar oitava na Fase Provincial disputada na mañá de hoxe no circuíto de Acea da Ma( Culleredo).

Por segunda tempada consecutiva, un atleta do noso colexio, representaranos no Campionato Galego, que se celebrará en Guitiriz(Lugo), o próximo sábado 23 de Febreiro.

Tamén hai que destacar o 6º posto do equipo alevín feminino, e o bo papel de Lucía Carro e David Pandelo na categoría benxamín.

Noraboa a tod@s!!

Poden consultar os resultados, clasificacións e ver as fotografías da proba no blog de educación física do centro:http://disfrutamosmovndonos-686983686.blogspot.com.es

ADMISIÓN CURSO 2013-14

 PROCESO DE ADMISIÓN PARA O CURSO 2013/14   


 PUBLICACIÓN DE LISTAXES DEFINITIVAS DA COMISIÓN DE ESCOLARIZACIÓN PARA O VINDEIRO CURSO ESCOLAR 2013/14.


 

TEMPOS DE ENTROIDO

Un ano máis os alumnos do CEIP A CRISTINA, prepáranse para celebrar a festa máis trouleira de todo o ano, O ENTROIDO.


Nada máis entrar atopámonos co MECO, dándonos as pertinentes ORDES de cada día, as cales debemos cumprir.


 Agradecer aos alumnos/as de SEXTO, responsables de que un ano máis este simpático personaxe presida durante unha semana a entrada do noso centro.


O centro comeza a estar adornado con caretas, preparando cancións típicas, pensando nos disfraces que nos imos poñer o venres 8,  na festiña que teremos con produtos típicos destes días etc etc.

A CRISTINA PROCLAMOUSE CAMPIÓN INTERCOMARCAL DE CAMPO A TRAVÉS

02/02/2013 19:37
Etc/GMT+1

 

O equipo alevín feminino de campo a través formado por: Valeria Gómez, Sarai Lema, Paula Lorenzo, María Serra, Natalia Riveiro, Cecilia Collazo e Graciela Amarelle, proclamouse por primeira vez na historia do noso centro, campión Intercomarcal de campo a través da zona da Coruña.

A este campionato hai que unir as medallas de prata e bronce de Valeria Gómez e Lucía Carro nas categorías alevín e benxamín feminina, e a medalla de bronce do equipo benxamín feminino.

Tamén hai destacar a clasificación de David Pandelo para o campionato provincial ao finalizar oitavo ,e o 4º posto do equipo benxamín masculino.

O resto dos no@s atletas estiveron a un gran nivel, deixando tod@s unha boa imaxe.

Poden consultar os resultados, clasificacións  e ver as fotografías da proba no blog de educación física do centro:

BRILLANTE PAPEL DOS NOSOS ATLETAS NA FASE LOCAL DE CAMPO A TRAVÉS

29/01/2013 16:32
Etc/GMT+1

Unha tempada máis, e xa van tres consecutivas, os nos@s atletas tiveron unha destacada  participación na Fase Local de campo a través celebrada hoxe no campo de fútbol das " Eiroas".

Para a Fase Intercomarcal  que se celebrará o vindeiro sábado 2 de Febreiro no Parque deportivo de Acea de Ama ( Culleredo), clasificáronse 29 atletas do noso centro( 4 equipos e 10 atletas individualmente).

 

Aínda que tódolos nen@s realizaron un gran papel, hai que destacar a medalla de ouro e prata  de Lucía Carro e Marta Padín na categoría benxamín femenino; e as medallas de bronce de  David Pandelo, Andrés Lage e Yonatan Lema nas categorías benxamín,alevín e infantil masculino. No apartado de equipos, obtivemos o primeiro posto na categoría benxamín feminina, e o segundo posto nas categorías benxamín e alevín masculino, e alevín feminino.
 
Noraboa a tod@s polo voso esforzo!!!!  

Máis información no blog de eduacción física do centro:

http://disfrutamosmovndonos-686983686.blogspot.com.es/

NOVO APRAZAMENTO DA FASE LOCAL DE CAMPO A TRAVÉS

22/01/2013 14:34
Etc/GMT+1

 

 

Seguindo as indicacións da Xunta de Galicia e do Patronato Deportivo Municipal de Carballo, debido ás previsións de alertas polas inclemencias do tempo previsto para mañá, suspéndese a Fase Local de campo a través de Carballo, prevista para o mércores día 23 de xaneiro, e decidiuse trasladala para o vindeiro MARTES DÍA 29 DE XANEIRO, mantendo os mesmos  horarios e circuíto.

Tamén se  apraza a FASE INTERCOMARCAL programada para o sábado 26/01/2013, e desenvolverase   o vindeiro SÁBADO DÍA 2 DE FEBREIRO.

 

 

APRAZADA A FASE LOCAL DE CAMPO A TRAVÉS

17/01/2013 16:48
Etc/GMT+1


Debido ás previsións de alerta laranxa  , suspéndese a Fase Local de campo a través que estaba previsto que se celebrara mañá  , e decidiuse trasladala para o MÉRCORES DÍA 23 DE XANEIRO, mantendo os mesmos  horarios e circuíto.

FASE LOCAL DE CAMPO A TRAVÉS

10/01/2013 21:48
Etc/GMT+1


O vindeiro venres 18 de Xaneiro celebrarase no Polígono Industrial de Bértoa( sempre que as condicións metereolóxicas o permitan),a Fase Local de Campo a través, onde participarán 69 alumn@s do noso centro.


Poden consultar toda a información sobre a proba no blog de educación física do centro: http://disfrutamosmovndonos-686983686.blogspot.com.es/

POSTAL PREMIADA POLO CONCELLO DE CARBALLO

A alumna do colexio "A CRISTINA" de Carballo, NEREA VILARIÑO CABEZA, acadou o primeiro premio no concurso de postais de Nadal, convocado polo concello de Carballo.


Noraboa Nerea. Co teu traballo o concello felicitará o Nadal do 2012.


 

AULA ABALAR

O CEIP "A CRISTINA" forma parte dese grupo de centros que neste curso se suman ó PROXECTO ABALAR.


Abalar é o proxecto que aposta pola integración plena das TIC na práctica educativa en Galicia, como unha das áreas prioritarias de intervención da Consellería de Educación e Ordenación Universitaria.


Contamos con un aula abalar: Pizarra dixital, proxector, portatil abalar e finalmente cos ultraportátiles dos alumnos. Comezando estamos a utilizar estas novas tecnoloxías.    PREME AQUÍ e observarás o concentra@s que están.


 abalar

LÚDICA, ADEMAIS DE INSTRUTIVA SESIÓN SOBRE A VIOLENCIA DE XÉNERO

" NON A VIOLENCIA MACHISTA"


 Os alumn@s de 5º, contaron con unha magnífica sesión, onde se lles explicou dun xeito claro e sinxelo (pero a vez divertido) dunha das lacras máis graves que estamos vivindo na actualidade "a violencia machista"


 Grazas Belén, grazas por poñer o teu graíño de información para que futuras xeracións poidan vivir mellor.


                                       


Belén Puñal (periodista). PREME NO ADXUNTO indicado abaixo.


 

GRAN PAPEL DOS NOS@S ATLETAS NA VIII CARREIRA POPULAR DA SILVA

13/11/2012 11:10
Etc/GMT+1

Os  atletas do noso colexio iniciaron a nova tempada de atletismo, realizando un gran papel na VIII Carreira popular " A Silva " que se celebrou o pasado sábado.

Aínda que tod@s estiveron a un gran nivel, hai que destacar  o segundo e terceiro posto de Jonatan Lema e Jonathan Lage na categoría infantil, e o terceiro posto de David Pandelo na categoría benxamín.

Noraboa a tod@s!!!!!

 

Podes consultar toda a información sobre a proba no blog de educación física do centro.

http://disfrutamosmovndonos-686983686.blogspot.com.es/

CELEBRAMOS O SAMAÍN COA ORQUESTRA CÉ PANTASMA.

Este ano celebramos o Samaín na nosa escola coa compañía dunha actuación tan especial coma divertida, a orquestra Cé pantasma. Pasámolo en grande. 



Agradecemos a AMPA Fonte da Cristina a súa colaboración, moitas grazas!. 

 

Para ver mais fotos preme aquí.


Distribuir contido