A FESTA DOS MAIOS
Hoxe estamos por aquí para contarvos como foi a confección do noso Maio “Sabela”.
Na semana do 3 ao 7 de maio, todo o alumnado do centro, acompañado polos titores e titoras e contando co apoio dos especialistas, saíron polos arredores do centro para recoller os materiais para a decoración (flores variadas, fentos, fiúnchos, froitos, follas, pedriñas...).
Prestou moito o contacto coa natureza...é un gustazo facer este tipo de actividades!!!
Logo xa nas aulas....
AULAS 1 E 2 prepararon a CAMISETA
AULAS 2 E 3 prepararon a SAIA
AULAS 5 E 6 prepararon o SOMBREIRO
AULAS 7 E 8 prepararon os PENDENTES E COLAR e
AULAS 9 E 10 prepararon o BOLSO
Chegou o venres día 7 de maio e desde a mañá cedo a nosa protagonista do día, Sabela, xa estaba lista nun carriño adornado para a ocasión....
Comezaron as aulas 1 e 2 a vestila e así sucesivamente o alumnado foina levando polos corredores para que todas as aulas lle puxeran a prenda ou complemento que lles tocou. Cada vez estaba máis fermosa...e daba gusto vela...
Ás 12:00 SABELA saíu para o patio e ao seu arredor fixemos unha pequeniña festa.
Arthur e Sofía recitaronlle unhas coplas e refráns, que todo o alumnado recopilou coa colaboración das familias, e os demáis estiveron ben atentos para non perderse detalle.
Xa como remate da festa, as protagonistas foron as pompas de xabón xa que unha máquina estivo botando nelas para que maiores e pequenos disfrutaran baixo elas.
Ollade que ben o pasaron:
