1.2. O Decreto de atención á diversidade e a Orde de escolarización de alumnos con nee

• Decreto 229/2011, do 7 de decembro, polo que se regula a atención á diversidade do alumnado dos centros docentes da Comunidade Autónoma de Galicia nos que se imparten as ensinanzas establecidas na Lei orgánica 2/2006, de 3 de maio, de educación (DOG, 21/12/11).

Regula cuestións relativas á escolarización en distintas modalidades e etapas, recursos, etc. Salientamos:

• Medidas ordinarias de atención á diversidade. Art. 8. Destacamos:
• Adaptación dos tempos e instrumentos ou procedementos de avaliación.
• Aulas de atención educativa e convivencia e medidas e actuacións destinadas á mellora da convivencia.
• Reforzo educativo e apoio do profesorado con dispoñibilidade horaria.


• Medidas extraordinarias. Art. 9. Destacamos:
• Adaptacións curriculares.
• Apoio do profesorado especialista en Pedagoxía Terapéutica e/ou en Audición e Linguaxe.
• Flexibilización da duración do período de escolarización.


• Plan Xeral de Atención á Diversidade. Capítulo II. Sección 3ª


• Escolarización. Capítulo III. 


• Promoción da escolarización e da formación. Capítulo IV. Destacamos:
• Absentismo: ausencia sen causa debidamente xustificada de, cando menos, un 10% do horario lectivo mensual. Art. 22º.
• Procedementos de actuación ante desescolarización absentismo e/ou abandono escolar temperán . Art. 23º.3.
• Atención educativa hospitalaria e domiciliaria. Art. 25º
• Alumnado menor sometido a medidas de responsabilidade penal. Art. 26º. (Ver apartado 2.7 deste documento).
• Alumnado sometido a medidas de protección e tutela. Art. 27º.
• Consideración de aneae por condicións persoais ou de historia escolar.
• Garantía de praza escolar no centro no que se escolaricen os fillos ou nenos acollidos da familia.
• Cambios de centro derivados destas medidas: tramitación e resolución con carácter urxente.
• Alumnado afectado por medidas de violencia de xénero e/ou acoso escolar. Art. 28º.
• Escolarización inmediata.
• Alumnado pertencente a familias itinerantes. Art. 29º.
• Alumnado procedente do estranxeiro. Art. 30º.
• Atención educativa a mozas embarazadas. Art. 31º.
• Medidas necesarias para continuación de estudos da menor durante o embarazo e nos dous anos seguintes ao parto. Posibilidade de asistencia intermitente. Dereito extensible ao pai con comportamento de paternidade responsable.


• Alumnado con necesidade específica de apoio educativo. Capítulo V.
• Avaliación psicopedagóxica. Art. 34º.
• Responsabilidade do orientador.
• Identifica necesidades educativas. Fundamenta propostas e decisións.
• Protocolos de demanda para a comunidade educativa.
• Informe psicopedagóxico. Art. 35º.
• Elementos do mesmo.
• Información aos pais. Dereito a copia.
• Ditame de escolarización. Art. 36º.
• Finalidade do ditame: Necesidade de recursos extraordinarios/ Determinar pertinencia dunha modalidade de escolarización distinta á ordinaria.
• Elaborado polo orientador.
• Realización de avaliación psicopedagóxica previa.


• Recursos. Capítulo VI.
• Dotación de recursos materiais e humanos (PT/AL).
•  Proposta de organización da atención de profesorado de PT/AL: realizada polo orientador de acordo cos criterios do PXAD e coa participación do titor do alumno e o profesor de PT/AL.


• Participación e coordinación. Capítulo VII.
• Mecanismos de coordinación entre distintas etapas e centros educativos: PXAD. Art. 41º.

• Orde do 27 de decembro de 2002pola que se establecen as condicións e criterios para a escolarización en centros sostidos con fondos públicos do alumnado de ensino non universitario con necesidades educativas especiais (DOG 30/01/03).  

  Esta Orde tiña por obxecto desenvolver o D 320/1996, do 26 de xullo, de ordenación da educación de alumnos e alumnas con necesidades educativas especiais, derrogado polo D 229/2011. Se ben o D 229/2011 modifica aspectos regulados nesta Orde, outras cuestións, como o procedemento de flexibilización do período de escolarización nas distintas etapas, aínda seguen vixentes.